Bakı,AzerVoice
Qırğızıstan Prezidenti Sadır Japarov bu gün, dekabrın ikisində Koreya Respublikasına rəsmi səfərə gəlib.
AzerVoice xəbər verir ki, Seulun hava limanında Japarovu Koreya Respublikasının xarici işlər nazirinin müavini Co Qu Ryo və digər rəsmi şəxslər qarşıladılar.
Hava limanının bayraq dirəklərində Qırğızıstan və Koreyanın dövlət bayraqları asılıb və fəxri qarovul dəstəsi düzülüb.
Rəsmi səfər çərçivəsində Japarov və Koreya Respublikasının Prezidenti Yun Seok Yeol və Koreya Respublikası Milli Assambleyasının sədri Vu Von Şik arasında ikitərəfli danışıqların aparılması planlaşdırılır.
Tərəflər Qırğızıstan-Koreya ikitərəfli əməkdaşlığının bütün spektrini və onların inkişaf perspektivlərini müzakirə edəcək, həmçinin regional və beynəlxalq məsələlər ətrafında fikir mübadiləsi aparacaqlar.
Səfər zamanı həmçinin Assambleyanın prezidenti və Qlobal İnkişaf İnstitutunun sədri, BMT-nin keçmiş baş katibi Pan Gi Mun ilə görüş keçiriləcək.