BAKI,VOA Orxan Qədirzadə

Türkiyənin xarici işlər naziri Hakan Fidan İstanbulda Azərbaycan və Gürcüstanın xarici işlər nazirləri ilə ayrı-ayrı görüşlər keçirib. Görüşlər Türkiyə, Azərbaycan və Gürcüstan arasında keçirilən 10-cu üçtərəfli xarici işlər nazirləri toplantısı çərçivəsində baş tutub.

Türkiyə Xarici İşlər Nazirliyindən verilən məlumata görə, Hakan Fidan əvvəlcə Gürcüstanın baş nazirinin müavini və xarici işlər naziri Maka Boçorişvili ilə ikitərəfli görüş keçirib. Daha sonra isə Azərbaycan Respublikasının xarici işlər naziri Ceyhun Bayramov ilə ayrıca müzakirələr aparılıb.

Görüşlərin İstanbulda keçirildiyi və regional əməkdaşlıq, təhlükəsizlik məsələləri, nəqliyyat və enerji layihələrinin müzakirə olunduğu bildirilir. Üçtərəfli format çərçivəsində keçirilən bu görüşlər Türkiyə, Azərbaycan və Gürcüstan arasında strateji tərəfdaşlığın daha da dərinləşdirilməsi baxımından mühüm platforma kimi qiymətləndirilir.

Tərəflər arasında keçirilən görüşlərin regional sabitlik, iqtisadi inteqrasiya və ortaq nəqliyyat dəhlizlərinin inkişafı kimi məsələlərə töhfə verməsi gözlənilir.