Bakı. AzerVoice:

ABŞ İsrail vətəndaşlarının ölkəyə girişini qadağan etdiyi üçün Maldiv adalarına qarşı tədbir görməyə çalışır

AzerVoice xəbər verir ki, amerkalı vəkillər Maldiv adalarını cəzalandırmaq üçün qanun layihəsi hazırlayır.

Məlumata görə qanun layihəsini İsrail tərəfdarı olan Demokratik Nümayəndələr Palatasının üzvü Coş Qotteymer hazırlayır. Qanun layihəsi ABŞ-ın Maldiv adalarına edəcəyi yardımlar qarşılığında İsrail pasportu daşıyan şəxslərin ölkəyə daxil olmasına icazə verilməsini tələb edəcək.

Qeyd edək ki, Maldiv adalarının prezidenti Məhəmməd Muizzu bazar günü İsrail pasportlarına qadağa qoyacağını açıqlamışdı.

İsrail Xarici İşlər Nazirliyi buna cavab olaraq ikili vətəndaşlığı olanlar da daxil olmaqla bütün vətəndaşlarına Maldiv adalarına səyahət etməməyi tövsiyə etmişdi.

Ona da əlavə edək ki, iki ölkə arasında 1974-cü ildən bəri diplomatik əlaqələr dayandırılmışdı, lakin 1990-cı illərin əvvəllərində İsrail turizminə qoyulan qadağanın aradan qaldırılması ilə israil vətəndaşları ada ölkəsinə səfər edə bilir.

Maldiv adalarının Turizm Nazirliyinin məlumatına görə, bu ilin ilk üç ayında ölkəyə 528 israilli səfər edib. 2023-cü ilin birinci rübündə bu rəqəm 4 min 644 nəfər təşkil edib.

ABŞ Xarici Işlər Nazirliyinin məlumatına görə, Maldiv adaları 2018-ci ildən bəri ABŞ-dan 36 milyon dollar xarici yardım alıb.