BAKI,VOA, Fərid Mikayılov

Qəzzaya ümid və humanitar yardım daşımaq məqsədi daşıyan "Qlobal Qətiyyət" (Sumud) filotasiyası sabah yenidən dənizə açılır.

VOA xəbər verir ki, İspaniyanın Barselona şəhərindən start götürəcək bu missiya İsrailin Qəzza zolağına tətbiq etdiyi blokadanı yarmağı və bölgəyə təcili insani yardım çatdırmağı hədəfləyir.

"2026 Bahar Missiyası" çərçivəsində təşkil olunan bu aksiyada miqyas kifayət qədər böyükdür. Missiyanın detalları aşağıdakı kimidir:

İştirakçı coğrafiyası: 100-dən çox ölkədən minlərlə aktivist bu aksiyada yer alır.

Gəmilərin sayı: Flotun tərkibində 100-dən çox gəminin iştirakı nəzərdə tutulub.

Marşrut: Barselonadan yola düşən flot Aralıq dənizində irəlilədikcə İtaliya, Tunis və digər limanlardan qalxan gəmilər də onlara qoşulacaq.

Filotasiyasının hərəkətindən öncə bu gün Barselonada minlərlə insanın iştirakı ilə böyük həmrəylik mitinqi keçiriləcək. Aksiyanın əsas məqsədi dünya ictimaiyyətinin diqqətini Qəzzada davam edən humanitar böhrana cəlb etmək və blokadanın aradan qaldırılması üçün beynəlxalq təzyiq yaratmaqdır.

Xatırladaq ki, Azadlıq Filotasiyası ötən il də bənzər missiya ilə Qəzzaya doğru yola çıxmışdı. Lakin həmin vaxt İsrail qüvvələri beynəlxalq sularda gəmilərə müdaxilə edərək aktivistləri saxlamış və yardımın təyinat nöqtəsinə çatmasına mane olmuşdu. Buna baxmayaraq, aktivistlər bu il daha böyük qətiyyətlə humanitar dəhliz açmaq cəhdlərini davam etdirirlər.