BAKI,VOA, Nailə Babazadə

ABŞ Prezidenti Donald Tramp İranda vurulan Amerika pilotlarını xilas etmək üçün keçirilən ikinci hərbi əməliyyatın təfərrüatlarını açıqlayıb.

VOA xəbər verir ki, prezident Tramp bu missiyanın miqyasını "tarixi" adlandıraraq, əməliyyatda rekord sayda aviasiya vasitəsinin iştirak etdiyini bildirib.

Prezident Donald Trampın verdiyi məlumata görə, cəmi 155 ABŞ təyyarəsinin cəlb olunduğu ikinci xilasetmə missiyasının tərkibinə aşağıdakılar daxil edilib:

4 ədəd bombardmançı təyyarə (strateji zərbə dəstəyi üçün);

64 ədəd qırıcı təyyarə (hava məkanının qorunması və müşayiət üçün);

48 ədəd yanacaqdoldurma tankeri (uzunmüddətli uçuşları təmin etmək üçün);

13 ədəd xüsusi xilasetmə təyyarəsi.

Analitiklər qeyd edirlər ki, tək bir pilotu və ya heyəti xilas etmək üçün 155 təyyarənin, xüsusən də 48 yanacaqdolduran tankerin havaya qaldırılması ABŞ-ın İranın hava məkanında mütləq üstünlük nümayiş etdirmək və istənilən müdaxilənin qarşısını dərhal almaq niyyətindən xəbər verir. 64 qırıcının müşayiəti isə xilasetmə dəhlizinin tam təhlükəsizliyini təmin etmək məqsədi daşıyıb.

Tramp bu əməliyyatı ABŞ ordusunun öz əsgərinə verdiyi dəyərin və texniki imkanlarının zirvəsi kimi qiymətləndirib.