BAKI,VOA, Nailə Babazadə

ABŞ Prezidenti Donald Tramp, özünə məxsus Truth Social platforması vasitəsilə verdiyi açıqlamada bildirib ki, İran bu gün “çox sərt şəkildə vurulacaq”.

VOA xəbər verir ki, Tramp deyib ki, İran Yaxın Şərqdəkı qonşularından üzr istəyərək “təslim olduğunu” və onlara artıq atəş açmayacağına söz verib.

O, bu sözün yalnız ABŞ və İsrailin “amansız hücumları” sayəsində alındığını iddia edib və hücumların miqyasının genişlənəcəyinə işarə verib.

Tramp bildirib ki, İranın “pis mövqeyi” səbəbindən tam məhvetmə və qəti ölüm variantları masadadır və indiyə qədər hədəfə alınmayan bölgələr və qruplar da artıq əməliyyat planına daxil edilib.

İsrail və ABŞ, Tehran ilə Vaşinqton arasında danışıqlar davam edərkən, 28 fevral tarixində İrana hərbi hücum başlatdı.

İran isə İsrailin yanında ABŞ-ın Qətərdə, Birləşmiş Ərəb Əmirliklərində (BƏƏ) və Bəhreyn kimi bəzi bölgə ölkələrindəki bazalarını hədəfləyərək cavab hücumları edib.

ABŞ-İsrail hücumlarında, İran lideri Ali Hamaney və bir çox yüksək səviyyəli rəsmi öldürülüb.

İran Səhiyyə Nazirliyinin sözçüsü Hüseyn Kermanpur bildirib ki, ABŞ-İsrail hücumlarında 926 nəfər həyatını itirib.