BAKI,VOA Orxan Qədirzadə
ABŞ-ın Las-Veqas şəhərində respublikaçıların keçmiş Konqres namizədi və sosial media yaradıcısı Dennis Vitosa ilə İsrail tərəfdarı fəal, keçmiş İsrail hərbçisi Yusif Haddad arasında fiziki qarşıdurma baş verib.
Hadisə “Digital Social Hour” podkastının çəkilişi zamanı İsrailin Qəzzadakı əməliyyatları ilə bağlı müzakirə zamanı baş verib. Vitosa Haddadı təxribatçı davranışda ittiham edib, Haddad isə qarşıdurmanı Vitosa-nın başlatdığını iddia edib.
Tərəflər hadisənin necə başladığı ilə bağlı bir-birinə zidd açıqlamalar veriblər. Hadisə ilə bağlı polisə müraciət edildiyi və insidentin tam görüntülərinin araşdırılmasının tərəflərin məsuliyyətinin müəyyənləşdirilməsində əsas rol oynayacağı bildirilib.
Hadisə sosial şəbəkələrdə geniş müzakirələrə səbəb olub.