BAKI,VOA,Yusif Şərifzadə
ABŞ Prezidenti Donald Tramp İranın ABŞ-a Hörmüz boğazından keçən gəmilərdən heç bir rüsum və ya əlavə ödəniş tələb etmədiyini bildirdiyini açıqlayıb.
VOA xəbər verir ki, Tramp bu barədə özünün Truth Social platformasında paylaşım edib.
ABŞ Prezidenti qeyd edib ki, əgər bu məlumat yanlış çıxarsa, danışıqlar dərhal dayandırılacaq.
O, İranın Hörmüz boğazından keçən gəmilər üçün “heç bir rüsum, sığorta xərci və ya əlavə ödəniş tələb olunmadığını” bildirib.
Tramp əlavə edib ki, ABŞ İranın maliyyə vəsaitləri üzərində nəzarəti saxlayır və həmin vəsaitlərin bir hissəsi Amerika fermerlərindən ərzaq məhsullarının alınmasına yönəldiləcək.
Onun sözlərinə görə, İran daxilində ərzaq ehtiyacları artıb və bu tələbat ABŞ vasitəsilə qarşılanacaq.