BAKI,VOA,Yusif Şərifzadə
İsrailin Baş naziri Benyamin Netanyahu bildirib ki, İsrail ordusuna verilən əmrlərdə heç bir dəyişiklik yoxdur və Livanın cənubunda yerləşən qüvvələr tam hərəkət sərbəstliyinə malikdir.
VOA xəbər verir ki, Netanyahu bu barədə video müraciətində danışıb.
O qeyd edib ki, İsrail hərbçiləri Livanın cənubunda İsrailin şimal bölgələrinə və öz qüvvələrinə yönələ biləcək istənilən birbaşa və ya potensial təhlükənin qarşısını almaqda sərbəstdir.
Baş nazir əlavə edib ki, İsrail ordusu üçün heç bir məhdudiyyət qoyulmayıb və əməliyyatlar tam azad şəkildə aparılır.
Netanyahu həmçinin bildirib ki, İsrail “təhlükəsizlik zonası” adlandırılan ərazilərdə nəzarəti davam etdirəcək və bu vəziyyət “lazım olan müddətə qədər” saxlanılacaq.
Onun sözlərinə görə, bu qərar İsrailin şimal bölgələrinin təhlükəsizliyini təmin etmək məqsədi daşıyır.