BAKI,VOA,Yusif Şərifzadə
Səudiyyə Ərəbistanının xam neft ixracı aprel ayında ardıcıl ikinci ay azalaraq tarixi minimum səviyyəyə enib.
VOA xəbər verir ki, bu barədə “Joint Organisations Data Initiative” (JODI) məlumat yayıb.
Məlumata görə, ölkənin xam neft ixracı mart ayında 4,97 milyon barel/gün olduğu halda, apreldə 3,99 milyon barel/günə düşüb.
JODI-nin statistikası 2002-ci ildən bəri Səudiyyə Ərəbistanının neft ixracı və hasilatı üzrə ən erkən və müqayisəli məlumatları əhatə edir.
Hesabata əsasən, aprel ayında Səudiyyə Ərəbistanının neft hasilatı da 6,32 milyon barel/gün səviyyəsinə enib ki, bu da qeydə alınmış ən aşağı göstəricidir.
Mart ayında isə bu rəqəm 6,97 milyon barel/gün təşkil edib.
Analitiklər azalmaya qlobal tələbatdakı dəyişikliklər və istehsal tənzimləmələri kimi amillərin təsir edə biləcəyini bildirirlər.