BAKI,VOA, Fərid Mikayılov
Fransa Prezidenti Emmanuel Makron Yaxın Şərqdə gərginliyin azaldılmasına çağırış edib.
VOA xəbər verir ki, Makron İran və ABŞ-ı tezliklə danışıqlar masasına qayıtmağa çağıraraq bölgədə eskalasiyanın qarşısının alınmasının vacibliyini vurğulayıb.
Məlumata əsasən, Fransa lideri həm İran Prezidenti Məsud Pezeşkian, həm də ABŞ Prezidenti Donald Trampla telefon danışığı apardığını bildirib.
Qeyd olunub ki, Makron bölgədə əldə olunmuş atəşkəs rejiminin, o cümlədən Livanı da əhatə etməklə, bütün tərəflər tərəfindən ciddi şəkildə qorunmasının zəruri olduğunu qeyd edib.
Bildirilib ki, o, həmçinin Hürmüz boğazının mümkün qədər tez, heç bir məhdudiyyət və əlavə ödəniş olmadan açılmasının vacibliyini vurğulayıb.
Makron əlavə edib ki, bu şərtlər daxilində tərəflər arasında danışıqların qısa müddətdə bərpası mümkün ola bilər.