BAKI,AzerVoice, Fərid Mikayılov
Avropa Komissiyasının sədri Ursula von der Leyen bu həftə Suriya və Livana səfər edəcək.
AzerVoice xəbər verir ki, Avropa Komissiyasının sözçüsü Paula Pinyonun açıqlamasına əsasən, von der Leyenin Suriyaya səfəri Bəşşar Əsədin hakimiyyətdən getməsindən sonra Avropa İttifaqı rəhbərinin bu ölkəyə ilk rəsmi səfəri olacaq.
Məlumata görə, səfər von der Leyenin Yaxın Şərq turunun bir hissəsidir. Tur çərçivəsində Avropa Komissiyasının sədri həmçinin İordaniyaya da səfər edəcək.
Səfər çərçivəsində regional təhlükəsizlik, humanitar vəziyyət, qaçqın problemi və Avropa İttifaqının Yaxın Şərqdəki rolu ilə bağlı məsələlərin müzakirə olunacağı gözlənilir. Avropa Komissiyası sədrinin görüşlərinin detalları hələlik açıqlanmayıb.