BAKI,AzerVoice
İran İslam Respublikası Sudanın ərazi bütövlüyü və suverenliyinə dəstəyini bir daha bəyan edib.
AzerVoice xəbər verir ki, bu barədə İranın xarici işlər naziri Abbas Əraqçi Sudanlı həmkarı Mohi El-Din Salimlə keçirdiyi telefon danışığı zamanı bildirib.
Əraqçi Sudanın Darfur bölgəsində yerləşən Əl-Fəşir şəhərində son günlərdə mülki əhaliyə qarşı həyata keçirilən hücumları pisləyib və dinc sakinlərin ölümü ilə nəticələnən zorakılıqlardan narahatlıq ifadə edib.
Nazir, Tehranın Sudanın qanuni hökumətini dəstəkləməyə davam edəcəyini və ölkə xalqı ilə həmrəy olduğunu vurğulayıb.
Telefon söhbəti zamanı Sudan xarici işlər naziri Mohi El-Din Salim ölkədəki son vəziyyət barədə məlumat verib və İrana göstərilən siyasi dəstəyə görə təşəkkür edib.
Tərəflər İran–Sudan münasibətlərinin inkişafından məmnunluq ifadə edərək, əməkdaşlığın müxtəlif sahələrdə genişləndirilməsi istiqamətində iradə nümayiş etdiriblər.