BAKI, AzerVoice, Nailə Babazadə
ABŞ Prezidenti Donald Tramp, qarşılıqlılıq prinsipinə əsaslanan və dərəcələri dəyişən tariflərin qüvvəyə mindiyini açıqladı.
AzerVoice xəbər verir ki, Tramp, Truth Social hesabından etdiyi paylaşımda tariflərlə bağlı açıqlama verdi.
Gecə yarısının keçdiyini qeyd edən Tramp, qarşılıqlılıq prinsipinə əsaslanan və dərəcələri dəyişən tariflərin qüvvəyə mindiyini elan etdi.
Bu tariflərdən təsirlənən ölkələrin uzun illərdir "ABŞ-dan faydalandığını" müdafiə edən Tramp, "Milyardlarla dollar gömrük rüsumu artıq ABŞ-a axır." -ifadəsini işlədib.
Ağ Evdən verilən açıqlamada, Tramp tərəfindən imzalanan fərmanla ABŞ-ın artan illik mal ticarəti kəsirlərini daha da azaltmaq məqsədilə bəzi ölkələrə qarşı qarşılıqlılıq prinsipinə əsaslanan gömrük rüsumu dərəcələrində dəyişiklik edildiyi bildirilib.
Trampın qarşılıqlılıq prinsipinə əsaslanan tariflərlə bağlı 2 aprel tarixində verdiyi açıqlamadan bəri bəzi ölkələrin ABŞ ilə mənalı ticarət və təhlükəsizlik sazişləri imzalamağı qəbul etdiyi və ya qəbul etməyə yaxın olduğu vurğulanan açıqlamada, bəzi ölkələrin danışıqlar yolu ilə ABŞ-a bəzi təkliflər təqdim etdiyi, bəzilərinin isə heç danışıqlara başlamadığı bildirilmişdi.
Açıqlamada, Trampın bəzi ölkələr üçün qarşılıqlılıq prinsipinə əsaslanan tarif dərəcələrinin dəyişdirilməsinin zəruri və uyğun olduğuna qərar verdiyi qeyd edilmişdi.
Sözügedən fərmanda göstərilən ölkələrin müəyyən edilmiş dərəcələrlə gömrük rüsumuna tabe olacağı bildirilən açıqlamada, siyahıda yer almayan ölkələrə isə 10 faizlik tarif tətbiq olunacağı qeyd edilmişdi. Digər tərəfdən, Tramp Kanadaya tətbiq olunan gömrük rüsumu dərəcəsinin 25 faizdən 35 faizə qaldırılmasını nəzərdə tutan fərmanı da imzalamışdı.
Bu çərçivədə Hindistana 25 faiz, İndoneziyaya 19 faiz İraqa 35 faiz İsrailə 15 faiz Malayziyaya 19faiz, Norveçə 15 faiz, İsveçrəyə 39 faiz, Suriyaya 41 faiz, Tayvana 20 faiz və Vyetnama 20 faiz tarif tətbiq edilməsi planlaşdırılırdı.
Türkiyəyə isə 15 faiz gömrük rüsumu tətbiq olunması nəzərdə tutulurdu.