BAKI, AzerVoice

Bolqarıstan Turizm Naziri Miroslav Borşoş türk vətəndaşlarının viza prosedurunu asanlaşdırdıqlarını açıqlayıb

AzerVoice xəbər verir ki, Bolqarıstan Turizm Naziri Miroslav Borşoş bildirib ki, Bolqarıstan hökuməti türk vətəndaşlarının üzləşdiyi viza prosedurunu asanlaşdırıb və viza müddətini uzadıb.

Borşoş hökumətin növbəti iclasından sonra yayımladığı video mesajında deyib:
"15 iyul tarixindən etibarən türk vətəndaşlarına turizm vizası verilməsi ilə bağlı yeni tənzimləmə tətbiq olunur."

Yeni qaydalarla bağlı məlumat verən Borşoş bildirib:
"Bu, artıq 3 aylıq və 6 aylıq vizaların yanında 1 illik, 3 illik və 5 illik vizaların da verilə biləcəyi deməkdir."

Uzunmüddətli viza almaq üçün əvvəlki vizalarda hər hansı pozuntu olmaması şərti qoyulduğunu bildirən Borşoş əlavə edib:
"Yeni tətbiq vizanın verilməsini tamamilə asanlaşdıran bir inkişafdır. Türkiyə ilə viza prosedurları, xüsusilə turizm sahəsində bizim üçün son dərəcə önəmlidir. Bu vizaların asanlaşdırılması ölkədə qalma müddətinin daha rahat və sürətli tənzimlənməsini mümkün edəcək və xüsusilə turizm sahəsində əlaqələrimizi asanlaşdıracaq."

Nazir Borşoş həmçinin bildirib ki, 2025-ci ilin ilk yarısında 2024-cü ilin eyni dövrü ilə müqayisədə Bolqarıstana gələn türk turistlərin sayı 60% artıb.

Borşoş vurğulayıb:
"Bu təsirli artımdır. Turizmimiz üçün önəmli olan Türkiyədən gələn turistlərin sayına baxanda əlaqələrimizin sürətlə inkişaf etdiyini görürük. Uzun illərdir çalışdığımız bir şey artıq reallaşıb."