BAKI, AzerVoice
ABŞ İraqa səfərlə bağlı vətəndaşlarına ciddi xəbərdarlıq edib.
AzerVoice xəbər verir ki, ABŞ-ın
Bağdaddakı səfirliyi ABŞ vətəndaşlarına İraqa səfər etməməklə bağlı
rəsmi xəbərdarlıq yayıb.
Xəbərdarlıqda İraqda artan təhlükəsizlik riski, o cümlədən
terrorizm, adam oğurluğu, silahlı qarşıdurmalar və vətəndaş
iğtişaşları səbəbindən səfərlərin tamamilə tövsiyə edilmədiyi
bildirilib.
ABŞ hökuməti bu risklərə əlavə olaraq, fövqəladə hallarda İraqdakı vətəndaşlarına yardım imkanlarının məhdud olduğunu da vurğulayıb.
Xəbərdarlıqda qeyd olunub ki, Bağdaddakı ABŞ hökumətinin əməkdaşlarına təhlükəsizlik səbəbindən Bağdad Beynəlxalq Hava Limanından istifadə etmək də qadağan edilib.
Qeyd edək ki, bu xəbərdarlıq ABŞ-ın Bağdaddakı səfirliyində çalışan diplomat və digər əməkdaşların mərhələli şəkildə təxliyəsi fonunda verilib.