BAKI, AzerVoice
ABŞ-ın vitse-prezidenti Cey Di Vens və dövlət katibi Marko Rubio Roma şəhərində Ukrayna prezidenti Volodimir Zelenski ilə qapalı görüş keçirirlər.
AzerVoice xəbər verir ki, bu barədə məlumatı ABŞ vitse-prezidentinin mətbuat heyəti verib.
Görüş, İtaliyadakı ABŞ səfirinin iqamətgahında keçirilir. Görüşdə Zelenskinin ofisinin rəhbəri Andriy Yermak da iştirak edir. Görüş mətbuata qapalı şəkildə keçirilir. Görüş barədə əlavə məlumat verilməyib.
Xatırladaq ki, fevralın 28-də Zelenski Vaşinqtona səfəri zamanı Ağ Evdə ABŞ prezidenti Donald Trampla görüşmüş, lakin onların arasında ciddi bir mübahisə yaşanmışdı. Tramp Zelenskini ABŞ-a qarşı hörmətsizlikdə, Vens isə Ukraynaya göstərilən dəstəyə görə təşəkkür etməməklə günahlandırmışdı. Görüşdən sonra nəzərdə tutulan mətbuat konfransı ləğv edilmiş, Tramp isə daha sonra Zelenskinin sülhə hazır olmadığını bildirmişdi.