BAKI, AzerVoice
Cümə günü İstanbulda ola bilərəm.
AzerVoice xəbər verir ki, ABŞ Prezidenti Donald Tramp Yaxın Şərq turu çərçivəsində Qətərə səfəri zamanı jurnalistlərə açıqlamasında Türkiyəyə gələ biləcəyini bildirib.
Trampın sözlərinə görə, İstanbulda keçirilməsi planlaşdırılan Rusiya–Ukrayna sülh danışıqlarında iştirak etmək ehtimalı var.
Tramp daha əvvəl 13 may tarixində də Türkiyəyə səfər edə biləcəyini açıqlayıb. O, Ukrayna danışıqlarında iştirak edə biləcəyini, Rusiya Prezidenti Vladimir Putinin də iştirak üçün onun gəlməsini istədiyini bildirib.
Səudiyyə Ərəbistanı səfərindən sonra Qətərə gedən Tramp, sıx qrafikinə baxmayaraq, “həyat xilas edə biləcək bir görüş üçün” Putinə vaxt ayıracağını qeyd edib.
Tramp çıxışında ABŞ-ın hərbi sənayesi və müdafiə texnologiyaları barədə də danışıb.
“F-35 təyyarələrinə sadə bir yeniləmə etməyi planlaşdırırdıq. Mən buna ‘F-55’ deyirəm, çünki tək mühərrikli təyyarələri sevmirəm. Çin F-22 dizaynımızı kopyaladı. Bu, dünyanın gördüyü ən yaxşı döyüş təyyarəsidir”- deyə o bildirib.