BAKI, AzerVoice
Tramp Zelenskini nadir torpaq sazişini dərhal imzalamağa çağırıb.
AzerVoice xəbər verir ki, ABŞ prezidenti Donald Tramp sosial media hesabında Ukrayna prezidenti Vladimir Zelenskidən ABŞ ilə nadir torpaq elementləri üzrə sazişi gecikmədən imzalamağı tələb edib.
Tramp paylaşımında, "Ukrayna ABŞ ilə çox vacib nadir torpaqlar sazişi ilə bağlı yekun sənədləri hələ imzalamayıb. Ən azı üç həftə gecikib. Ümid edirəm ki, bu müqavilə dərhal imzalanacaq" – deyə bildirib. O, həmçinin Rusiya ilə Ukrayna arasında sülh prosesinin indiyədək rəvan şəkildə irəlilədiyini və bu istiqamətdə işlərin davam etdiyini vurğulayıb.
Qeyd edək ki, nadir torpaq elementləri sənaye və texnologiya sahəsində strateji əhəmiyyət daşıyır və ABŞ bu resursların təminatında yeni sazişlərlə mövqeyini gücləndirməyə çalışır.