BAKI, AzerVoice
San Fransiskoda Fələstinə dəstək nümayişi keçirilib
AzerVoice xəbər verir ki, San Fransiskoda Fələstinə dəstək məqsədilə Market və Pauell küçələrində nümayiş təşkil olunub. Aksiyaçılar Qəzza üçün Qlobal Fəaliyyət Günü çərçivəsində İsrailin Qəzzaya hücumlarına etiraz ediblər.
Nümayişçilər Fələstin bayraqları və dəstək mesajları əks etdirən pankartlarla 18 aydır davam edən hücumlara qarşı beynəlxalq ictimaiyyəti səssiz qalmamağa çağırıblar.
Qeyd edək ki, son dövrlərdə bir çox şəhərdə Fələstinə dəstək yürüşləri keçirilir və Qəzzadakı humanitar vəziyyətə diqqət çəkilir.