BAKI,AzerVoice
HƏMAS hərəkatının silahlı qanadı olan "Qəssam Briqadaları"nın
sözçüsü Əbu Übeydə çərşənbə axşamı bildirib ki, “Əydan Aleksandr
adlı israilli əsgəri əsir saxlayan qrupla əlaqə birbaşa hədəfə
alınan bombardmandan sonra itib”. O əlavə edib ki, hazırda onlarla
əlaqə qurmağa çalışırlar.
Əbu Übeydə "Telegram" kanalında yayımladığı açıqlamasında əlavə
edib: “Bizim qiymətləndirməmizə görə, işğalçı ordu məqsədli şəkildə
ikili vətəndaşlığa sahib olan əsirlər məsələsindəki təzyiqdən
qurtulmağa çalışır ki, xalqımıza qarşı soyqırımı müharibəsini davam
etdirə bilsin”.
Qəssam briqadaları ötən şənbə israilli və ABŞ vətəndaşı olan əsgər
Aleksandrın videosunu yayımlamışdı. Həmin videoda o deyir ki,
İsrail hökuməti və ABŞ administrasiyası ona azad olunacağı barədə
yalan danışıblar. Əsgər videoda belə deyir: “Hər kəs mənə yalan
danışdı – xalqım, İsrail hökuməti, ABŞ administrasiyası, ordu və
hamı... Doğrudan da, inanmaq istəyirəm ki, bir gün sağ-salamat
evimə dönəcəyəm.”
HƏMAS Qəzzada israilli-amerikalı əsiri saxlayan silahlılarla əlaqənin itirildiyini elan edib
