Bakı.AzerVoice

Keçmiş Amerika lideri və Respublikaçılar Partiyasından prezidentliyə namizəd Donald Tramp noyabrda keçiriləcək seçkilərdə qalib gələcəyi təqdirdə Çinlə münasibətləri yaxşılaşdıracağına söz verib.

AzerVoice-un məlumatına görə, o, Nyu-Yorkun Bedminster şəhərində keçirdiyi mətbuat konfransında deyib: "Düşünürəm ki, bizim Çinlə əla münasibətimiz olacaq. Amma bu, həm də ədalətli olmalıdır. Çin də hər bir dövlət kimi, illərdir bizim ölkədən istifadə edib". Tədbiri mühafizəkar media şirkəti RSBN yayımlayıb.

Tramp əlavə edib ki, ABŞ-Çin münasibətlərini yaxşılaşdırmaq üçün Vaşinqton Pekinin hörmətini qazanmalıdır. "Ancaq onlar nə Kamala Harrisə, nə də Co Baydenə hörmət etmirlər" .

Ölkədə prezident seçkiləri noyabrın 5-də keçiriləcək. Baydenin Demokrat Partiyasını təmsil edəcəyi güman edilirdi, lakin Trampla iyun debatındakı fəlakətli çıxışından sonra Demokratlar arasında Ağ Ev rəhbərinin mübarizədən əl çəkməsi üçün çağırışlar daha da gücləndi. İyulun 21-də o, yarışdan çıxmaq qərarına gəldi və Harrisin ən yüksək dövlət vəzifəsinə namizədliyini dəstəklədi. Tramp Respublikaçılar Partiyasından prezidentliyə namizəd kimi irəli sürüləcək.