Bakı, VOA

İranda İyunun 28-də keçiriləcək prezident seçkilərində mühafizəkar namizədlərdən biri olan Əmir Hüseyn Kadızadəhaşimi “mühafizəkar qanadda birliyi gücləndirmək üçün” namizədlikdən geri çəkildiyini açıqlayıb.

VOA xəbər verir ki, bu haqda Şəhidlər və Qazilər Fondunun prezidenti Kadızadəhaşimi öz sosial media hesabında açıqlama verib. O, "Ümid edirəm ki, qalan üç qardaşım da inqilab cəbhəsini gücləndirməyə razı olacaqlar" - deyə əlavə edib.

"İnqilabi qüvvələrin birliyini qorumaq üçün Ali Şuranın və bəzi üləmaların tələbinə cavab olaraq yolu davam etdirməkdən vaz keçdim."- o deyib.

Daha əvvəl “inqilabçı qüvvələr birlikdə hərəkət etməlidir” deyərək mühafizəkar namizədləri birləşməyə çağıran mühafizəkarların liderlərindən Muhsin Rizai də Kadizadəhaşiminin qərarını təqdir etdiyini bildirib.

Rizai, "Ali Razılaşma Şurasının müraciətinə müsbət cavab verdiyiniz və İnqilab Cəbhəsinin lehinə istefa etdiyiniz üçün sizə təşəkkür edirik. Fədakarlığınız inqilabçı millətin yaddaşına həkk olunacaq"- deyə Kadızadəhaşiminin paylaşımına cavab verib.