Bakı, AzerVoice
Ukrayna Prezidenti Vladimir Zelenski 11 mart tarixində Səudiyyə Ərəbistanında keçiriləcək ABŞ nümayəndə heyəti ilə görüşdə iştirak etməyəcək.
AzerVoice xəbər verir ki, bu barədə Fox News telekanalının jurnalisti Ceki Xaynrix X sosial şəbəkəsində məlumat verib.
Məlumata əsasən, onun bu görüşdə iştirakı əvvəldən planlaşdırılmamışdı.
Xaynrixin sözlərinə görə, Zelenski 10 mart tarixində Səudiyyə Ərəbistanının vəliəhdi Məhəmməd bin Salman Əl Səud ilə danışıqlar aparacaq. Bundan sonra isə onun komandası ABŞ nümayəndələri ilə görüş üçün Ciddədə qalacaq.
Xatırladaq ki, dünən ABŞ prezidentinin xüsusi nümayəndəsi Stiven Uitkoff bildirmişdi ki, ABŞ və Ukrayna rəsmiləri Ukrayna münaqişəsinin həlli ilə bağlı məsələləri müzakirə etmək üçün Səudiyyə Ərəbistanında görüş keçirməyi planlaşdırır.