BAKI, AzerVoice

Fransa prezidenti Emmanuel Makron Böyük Britaniyanın paytaxtında Kiyevin müttəfiqləri ilə keçirdiyi görüşdən sonra Ukraynada “hava, dəniz və enerji infrastrukturunu” əhatə edən bir aylıq atəşkəs təklif etdiklərini açıqlayıb.

AzerVoice xəbər verir ki, Makron bu təklifi Böyük Britaniyanın yeni baş naziri Kir Starmerlə birlikdə irəli sürüb.

O, atəşkəsin fərqli cəhətinin onun effektiv ölçülə bilməsi olduğunu vurğulayıb. Makron, həmçinin, “yaxın həftələrdə Ukrayna ərazisinə heç bir avropalı əsgərin yerləşdirilməyəcəyini” bildirərək, gələcək mərhələdə mümkün sülhməramlı qüvvələrin yerləşdirilə biləcəyini qeyd edib.

Makron ABŞ-da Donald Tramp administrasiyası dövründə dəyişən siyasətlər fonunda Avropa ölkələrini müdafiə xərclərini ÜDM-nin 3-3,5 faizi səviyyəsinə qədər artırmağa çağırıb. O, Fransanın bu sahədə liderlik etməyə hazır olduğunu vurğulayaraq deyib:

"Üç il ərzində, yəni Moskvanın Ukraynanı işğal etdiyi vaxtdan bəri, ruslar ÜDM-nin 10 faizini müdafiəyə xərcləyiblər... Ona görə də başımıza gələcəklərə hazır olmalıyıq." - deyə o bildirib.

Fransa lideri Avropa ölkələrinin Ukraynanın müdafiəsinə daha çox dəstək verməli olduğunu və sülh prosesinə aktiv şəkildə töhfə verməli olduqlarını vurğulayıb. Atəşkəs təklifinin necə qarşılanacağı və Rusiya tərəfindən qəbul ediləcəyi isə hələ ki, qeyri-müəyyən olaraq qalır.