BAKI,VOA,Yusif Şərifzadə
Qəzza zolağında 2023-cü ilin oktyabrından davam edən müharibə nəticəsində ölən və yaralananların sayı artmaqda davam edir.
VOA xəbər verir ki, Qəzza Səhiyyə Nazirliyinin məlumatına görə, İsrailin Qəzzaya qarşı həyata keçirdiyi hərbi əməliyyatlar nəticəsində indiyədək azı 73 min 118 fələstinli həlak olub, 173 min 615 nəfər isə yaralanıb.
Məlumata əsasən, ABŞ-nin vasitəçiliyi ilə ötən ilin oktyabrında əldə olunan atəşkəs razılaşmasından sonra da Qəzza zolağında insan itkiləri davam edib.
Nazirliyin açıqlamasında bildirilib ki, həmin dövrdən etibarən İsrail qüvvələrinin hücumları nəticəsində azı 1 092 fələstinli həyatını itirib, 3 507 nəfər yaralanıb.
Qəzza Səhiyyə Nazirliyi bölgədə tibbi xidmətlərin, humanitar yardım imkanlarının və bərpa işlərinin ciddi çətinliklərlə üzləşdiyini qeyd edir.
Beynəlxalq təşkilatlar Qəzzadakı humanitar vəziyyətin ağır olaraq qaldığını və mülki əhalinin qorunmasının vacibliyini vurğulayırlar.