BAKI,VOA,Yusif Şərifzadə
Livan Səhiyyə Nazirliyi İsrail hücumları nəticəsində ölənlərin sayının artdığını açıqlayıb.
VOA xəbər verir ki, nazirliyin məlumatına əsasən, martın 2-dən bu yana Livanda 4 min 303 nəfər həlak olub, 12 min 202 nəfər isə yaralanıb.
Məlumata görə, İsrail tərəfi Livan ərazisində “Hizbullah” mövqelərini hədəf aldığını bildirərək hərbi əməliyyatları davam etdirir.
Rəsmi açıqlamalarda İsrailin ötən həftə ABŞ vasitəçiliyi ilə imzalanan çərçivə razılaşmasına baxmayaraq hücumları dayandırmadığı qeyd olunur.
Livan tərəfi bölgədə humanitar vəziyyətin ağırlaşdığını və mülki əhali arasında itkilərin artdığını bildirir.
Bölgədə gərginliyin davam etdiyi və vəziyyətin sabitləşmədiyi vurğulanır.