BAKI,VOA,Yusif Şərifzadə
Oman Sultanı Haitham bin Tariq Al Said Qətər Baş naziri Şeyx Məhəmməd bin Əbdülrəhman bin Casim Al Tani ilə görüş keçirib.
VOA xəbər verir ki, görüş Oman paytaxtı Məsqat ətrafında yerləşən Al Baraka sarayında baş tutub.
Oman dövlət mediasının məlumatına görə, tərəflər ABŞ–İran danışıqlarının gedişini və Pakistan–Qətər vasitəçiliyi ilə aparılan diplomatik səyləri müzakirə ediblər.
Görüşdə regionda müharibənin dayandırılması və böhranın bütün aspektləri üzrə yekun həllin tapılması istiqamətində son vəziyyət dəyərləndirilib.
Sultan Haitham bin Tariq bölgədə təhlükəsizlik və sabitliyin təmin olunması üçün diplomatik səylərin gücləndirilməsinin vacibliyini vurğulayıb.