BAKI,VOA,Yusif Şərifzadə
Bu, ABŞ-İran Anlaşma Memorandumu qüvvəyə mindikdən sonra İsrail qüvvələri tərəfindən həyata keçirilən ən genişmiqyaslı hücumlardan biri olub. İsrail cənub Livanın bir neçə ərazisinə, əsasən isə Nəbatiyyə rayonuna hücum edib.
VOA xəbər verir ki, Livan Səhiyyə Nazirliyi gecə baş verən hücumlarda 18 nəfərin öldüyünü, 33 nəfərin yaralandığını bildirib. Cənub Livanın geniş bir hissəsi hədəfə alınıb – əsasən əl-Şərqiyə və Haruf şəhərləri ətrafı olmaqla, təxminən on müxtəlif yer.
Hücumlar gecə yarısından sonra başlayıb, artilleriya, dron və hərbi təyyarələrlə həyata keçirilən hücumlar davam edib və son saatlara qədər müşahidə olunub. Yerli mənbələr bildirir ki, Nəbatiyyə bölgəsindən insanlar şimal istiqamətində köçürülür.
Bu, regionda ciddi eskalasiya hesab olunur. İsrail hücumların bir neçə dəfə həyata keçirildiyini təsdiqləyib, Hizbullahı atəşkəsin pozulmasında günahlandırıb və hücumların lazım gəldikcə davam edəcəyini bildirib.