BAKI,VOA,Yusif Şərifzadə
Livanın rəsmi Milli Xəbər Agentliyi (NNA) xəbər verir ki, İsrail ordusu cənubi Livanın Sur (Tyre) və Nəbatiyə bölgələrinə intensiv hava zərbələri endirib.
VOA xəbər verir ki, Sur şəhərində yerləşən əl-Buss ərazisi iki dəfə vurulub. Hücumlar Cəbəl Amil Xəstəxanasının yaxınlığında baş verib. Nəbatiyə rayonunun Kəfər Reman qəsəbəsində baş verən hücumda 4 nəfər ölüb, 3 nəfər isə yaralanıb.
Eyni zamanda Nəbatiyə şəhərinin əl-Midan məhəlləsinə də bir neçə zərbə endirilib, nəticədə yaşayış binaları və bir şiə müsəlman icma mərkəzi zərər görüb.