BAKI,VOA, Nailə Babazadə
Türkmənlərin də sıx yaşadığı Tadamun bölgəsində 2013-cü ildə törədilən qətliamın şübhəlisi Amcat Yusif, Suriya Daxili Təhlükəsizlik Qüvvələrinin Həmada keçirdiyi əməliyyat nəticəsində yaxalanıb.
VOA xəbər verir ki,Tadamun qətliamı müharibənin ən qanlı və qaranlıq hadisələrindən biri kimi tarixə düşüb. Hadisə zamanı ümumilikdə 288 nəfərin gözləri bağlı şəkildə edam edilərək çuxura atıldığı, daha sonra yandırıldığı və bütün bu prosesin görüntülərinin qeydə alındığı bildirilmişdi.
Türkiyənin Dəməşq səfiri Nuh Yılmaz mövzu ilə bağlı verdiyi açıqlamada şübhəlinin yaxalanmasını mühüm irəliləyiş kimi qiymətləndirib. Suriya Daxili Təhlükəsizlik Qüvvələri tərəfindən həyata keçirilən bu əməliyyat rəsmilər tərəfindən məmnunluqla qarşılanıb.