BAKI,VOA, Fərid Mikayılov
Səudiyyə Ərəbistanı və Oman İsrail ilə Livan arasında əldə olunan atəşkəsi alqışlayıblar.
VOA xəbər verir ki, Səudiyyə Ərəbistanının Xarici İşlər Nazirliyi ABŞ prezidenti Donald Trampın elan etdiyi atəşkəsi müsbət qiymətləndirərək Livanın suverenliyinə dəstəyini bir daha ifadə edib.
Qeyd olunub ki, rəsmi Ər-Riyad silahların yalnız dövlət və onun legitim institutlarının nəzarətində olmasının vacibliyini vurğulayıb.
Bildirilib ki, Oman da atəşkəs qərarını müsbət qarşılayaraq bu razılaşmanın əldə olunmasında ABŞ-ın rolunu yüksək qiymətləndirib.
Məlumata görə, Maskat tərəfi bütün iştirakçıları atəşkəs şərtlərinə riayət etməyə və mümkün pozuntulardan çəkinməyə çağırıb.
Qeyd edilib ki, regionda sabitliyin qorunması üçün atəşkəs rejiminin davamlı olması mühüm əhəmiyyət daşıyır.