BAKI,VOA, Nailə Babazadə
Səudiyyə Ərəbistanının Xarici İşlər naziri şahzadə Feysəl bin Fərhan bazar ertəsi günü misirli və qırğızıstanlı həmkarları ilə regional prosesləri müzakirə edib.
VOA xəbər verir ki, Səudiyyə Press Agentliyinin (SPA) məlumatına görə, nazir Bədr Abdel Ati ilə telefon danışığı zamanı regional və beynəlxalq təhlükəsizliyin, habelə sabitliyin gücləndirilməsi yollarını nəzərdən keçirib.
Qırğızıstanın Xarici İşlər naziri Jeenbek Kulubayev ilə baş tutan digər telefon danışığında isə şahzadə Feysəl bölgədəki son hadisələrin nizamlanması istiqamətində göstərilən səylər ətrafında fikir mübadiləsi aparıb.