BAKI,VOA
İsrail Ordu Radiosu təhlükəsizlik mənbələrinə istinadən, İsrailə məxsus hər hansı hərbi gəminin hədəf alınması barədə məlumatları rəsmən təkzib edib.
VOA xəbər verir ki,bu açıqlama Livanın "Hizbullah" hərəkatının yaydığı bəyanatdan dərhal sonra gəlib. "Hizbullah" tərəfi Livan sahillərindən 68 dəniz mili uzaqlıqda İsrailin hərbi gəmisini dəniz tipli "kruz" raketi ilə vurduğunu iddia etmişdi.
İsrail hərbi rəsmiləri dəniz sərhədlərində və iqtisadi zonada heç bir itki və ya zədələnmə qeydə alınmadığını bildirirlər. Analitiklər qeyd edirlər ki, "Hizbullah"ın 68 dəniz mili (təxminən 126 km) kimi uzaq bir məsafəni göstərməsi, münaqişənin dənizdəki hüdudlarının genişləndiyinə dair mesaj xarakteri daşıyır.
Hələlik hadisə yerindən hər hansı bir vizual sübut təqdim olunmayıb, lakin İsrail Hərbi Dəniz Qüvvələri Aralıq dənizinin şərqində hazırlıq səviyyəsini artırıb.