BAKI,VOA, Fərid Mikayılov
Birləşmiş Ərəb Əmirliklərinin paytaxtı Abu-Dabiyə yönəlmiş hücum cəhdi nəticəsində yaralananlar var.
VOA xəbər verir ki, Əbu-Dabi hökumətinin məlumatına görə, hava hücumundan müdafiə sistemlərinin işə düşməsi nəticəsində hücumun qarşısı alınıb.
Lakin müdaxilə zamanı düşən qəlpələr səbəbindən 12 nəfər xəsarət alıb.
Məlumata əsasən, yaralananlardan 6 nəfəri Nepal, 5 nəfəri Hindistan vətəndaşıdır. Onlardan 11 nəfərin vəziyyəti yüngül və orta ağır qiymətləndirilir, bir nəfərin isə ağır yaralandığı bildirilir.
Qeyd olunur ki, hadisə Əbu-Dabi əmirliyinin Acban bölgəsində baş verib və əraziyə qəlpələrin düşməsi nəticəsində zərər qeydə alınıb.
Hazırda vəziyyət nəzarət altındadır, lakin regionda təhlükəsizlik riski yüksək olaraq qalır.