BAKI, AzerVoice, Nailə Babazadə
İsrail ordusunun Livanın cənubundakı Nebatiye vilayətində bir avtomobilə pilotsuz uçuş aparatı (İHA) ilə etdiyi hücumda 1 nəfər ölüb, 11 nəfər yaralanıb.
AzerVoice xəbər verir ki, rəsmi məlumatlara görə, Nebatiyəyə bağlı Bint Cubeyl rayonunun Tayri qəsəbəsində hərəkətdə olan avtomobil İsrail İHA-sı tərəfindən hədəf alınıb.
Hücum zamanı hədəfə yaxın keçən məktəb avtobusundakı bir neçə şagird və sürücü yaralanıb.
Livan Səhiyyə Nazirliyi hadisədə 1 nəfərin öldüyünü, 11 nəfərin yaralandığını açıqlayıb. Bint Cubeyl qəsəbəsində İsrail İHA-larının alçaldılmış irtifada sıx uçuşlar etdiyi bildirilib.
Eyni zamanda, İsrail ordusunun sərhəd yaxınlığındakı Yarun qəsəbəsini top atəşinə tutduğu, güneydəki Mercaiyyun rayonuna bağlı Belida qəsəbəsində isə bir evə İHA hücumu etdiyi qeyd edilib. Bu son hücumlarda ölü və yaralı olmayıb.
Qeyd edək ki, İsrail, 27 noyabr 2024-cü ildə əldə edilmiş atəşkəs razılaşmasına baxmayaraq, Lübnanın cənubuna hücumlarını davam etdirir.