BAKI,AzerVoice

Qəzzaya humanitar yardım aparan “Əzm Donanması” ilə bağlı yeni gərginlik qeydə alınıb. Donanmadakı mənbələr “Reuters”-ə bildiriblər ki, çərşənbə günü axşam saatlarında bir neçə İsrail gəmisi onlara yaxınlaşıb.

İsrail isə dəfələrlə xəbərdarlıq edərək gəmilərin geri dönməsini, Qəzzaya tətbiq edilən dəniz blokadasını pozmamasını tələb edib.

Donanmanın məqsədi və tərkibi

Sentyabrın ortalarında Tunisdən yola çıxan “Əzm Donanması” daha öncə İspaniyadan hərəkətə başlayıb. Donanmada 45-ə yaxın gəmi və 40-dan çox ölkədən yüzlərlə aktivist iştirak edir. Onlar uşaq qidası, ərzaq və tibbi ləvazimatlar daşıyır və missiyanın tamamilə zorakılıqdan uzaq olduğunu vurğulayırlar.

Hazırda donanma Aralıq dənizində, Misir sahillərinin şimalında, Qəzzadan təxminən 170 km məsafədədir.

Əzm Donanmasında iştirak edən tanınmış şəxslər

Mandela Mandela - Nelson Mandelanın nəvəsi və Cənubi Afrikanın sabiq deputatı
Qreta Tunberq - iqlim fəalı (İsveç)

Rima Həsən-Avropa Parlamenti deputatı (Fransa)
Ada Kola – Barselona şəhərinin sabiq meri