BAKI,VOA, Fərid Mikayılov
Avropa İttifaqının (Aİ) bəzi ölkələri İsrailin ifrat sağcı təhlükəsizlik naziri İtamar Ben-Qvirə qarşı sanksiyaların tətbiqini tələb edir.
VOA xəbər verir ki, sanksiyalar Ben-Qvirin Azadlıq Flotiliyası aktivistlərinə qarşı zorakılığı göstərən skandal videonun yayımlanması ilə əlaqədar tələb olunur.
“Aİ dərhal Ben-Qvirə qarşı sanksiyalar tətbiq etməlidir”- deyə İsveç Xarici İşlər naziri Maria Malmer Stenergard bildirib.
İtaliya və Belçika da bu çağırışa qoşulub, Polşa isə onun ölkəyə girişinə qadağa tətbiq etməyi nəzərdən keçirir. Digər tərəfdən, Çexiya xarici işlər naziri Petr Matzinka sanksiyalara qarşı çıxıb.