BAKI, AzerVoice, Nailə Babazadə
İsrail, 7 oktyabr 2023-cü ildən bu yana Qəzza zolağına yönəltdiyi hücumlarda yalnız infrastruktur və həyati obyektləri deyil, eyni zamanda müəllim və akademikləri hədəfə alaraq elmi dünyanı da məhv edir.
AzerVoice xəbər verir ki, Qəzzadakı Fələstin Hökumətinin Media Ofisinin rəhbəri İsmail əs-Sevabite Anadolu Agentliyinə verdiyi açıqlamada bildirib ki, İsrail Qəzzada alimləri, akademikləri və tədqiqatçıları sistemli şəkildə hədəfə alır.
Qəzzada 193 akademik və 800 müəllimi İsrail tərəfindən qətlə yetirilib.
"İşğalçı İsrail bu addımı ilə Fələstin cəmiyyətində uzunmüddətli elmi və mədəni boşluq yaratmaq, institusional potensialı zəiflətmək və gələcək nəsilləri bilikdən məhrum etmək istəyir" – deyə Sevabite bildirib.
O vurğulayıb ki, İsrailin məqsədi Fələstin cəmiyyətinin düşüncə və bilik bazasını dağıtmaq, təhsili, araşdırmanı və yaradıcılığı yönəldəcək şəxsləri aradan qaldırmaqdır.
"İşğalçılar 22 aydır davam edən soyqırımı dövründə infrastruktur və həyati obyektlərlə yanaşı Qəzzadakı akademikləri və mədəni elitanı da məhv etməyə çalışıb. İsrail alim və tədqiqatçıları öldürməklə, Fələstin cəmiyyətinin intellektual və biliyə əsaslanan strukturunu iflic etməyə, təhsili və yaradıcılığı təşviq edən elita kadrları aradan qaldırmağa çalışır", – deyə o qeyd edib.
Sevabite əlavə edib ki, "Fələstin xalqının insan və bilik kapitalı qorunmalıdır" və beynəlxalq ictimaiyyəti İsrailin bu hərəkətlərinə təcili reaksiya verməyə çağırıb.
Sevabite qeyd edib ki, İşğalçı İsrail 22 aydan artıq davam edən hücumları zamanı təxminən 193 alim, professor və tədqiqatçını öldürüb. Qəzza Hökumətinin Media Ofisinin son məlumatına görə, təxminən 800 müəllim və təhsil işçisi də İsrailin hücumlarında həyatını itirib.
Media Ofisinin məlumatına əsasən öldürülən tanınmış akademiklər bunlardır:
Sufyan Tayeh – Qəzza İslami Universitetinin rektoru, fizik və tətbiqi riyaziyyat üzrə alim. Dekabr 2023-də Cəbəliyyə düşərgəsindəki İsrail hücumunda ailəsi ilə birlikdə öldürülüb.
Adnan əl-Burş – Qəzza İslam Universitetinin tibb fakültəsinin müəllimi, məşhur ortopedik cərrah. 2 mayda Əl-Avdə xəstəxanasında saxlanılıb və həbsxanada həlak olub.
Nasır Əbunnur – Hemşirelik fakültəsinin dekanı. ABŞ-da təhsil alıb. 21 fevralda Refahda ailəsi ilə birlikdə öldürülüb.
Naim Barud – Ədəbiyyat fakültəsinin dekanı, coğrafiya üzrə elmi işlərin müəllifi. 25 oktyabr 2024-cü ildə evinə edilən hücumda ailəsi ilə birlikdə həlak olub.
Cihad əl-Mısri – Açıq Qüds Universitetinin müdiri. 29 oktyabr 2023-də İsrail tərəfindən öldürülüb.
Ahmed əd-Delu – Filistin Universitetinin Tibb və Sağlamlıq Elmləri fakültəsinin dekanı. 19 oktyabr 2023-də ailəsi ilə birlikdə öldürülüb.
Ahmed Əbu Absə – Mühəndislik fakültəsinin dekanı. 13 dekabr 2023-də İsrail hücumu nəticəsində öldürülüb.
İbrahim əl-Estel – Təhsil fakültəsinin dekanı, Riyaziyyat tədrisi üzrə professor. 23 oktyabr 2023-də evinə hücum zamanı həlak olub.
Teysir İbrahim – Şəriət və Hüquq fakültəsinin dekanı. 17 oktyabr 2023-də ailəsi ilə birlikdə öldürülüb.
Said əz-Zubde – Tətbiqi Elmlər Universitetinin rəhbəri, elektrik mühəndisliyi üzrə mütəxəssis. 31 dekabr 2023-də ailəsi ilə birgə öldürülüb.
Rıfat əl-Arir – İngilis ədəbiyyatı üzrə müəllim. Davamlı şəkildə ölüm təhdidləri alırdı. 8 dekabr 2023-də evinə hücumda ailəsi ilə birlikdə öldürülüb.