BAKI, AzerVoice
ABŞ Dövlət Departamenti Trampın Yaxın Şərq üzrə xüsusi nümayəndəsi Stiv Vitkoffun Qəzzaya humanitar yardım üçün dəhlizin açılması üzərində işləmək üçün bölgədə olacaq.
AzerVoice xəbər verir ki, bu barədə ABŞ Dövlət Departamentinin sözçüsü Tammy Bruce Vaşinqtonda keçirdiyi gündəlik mətbuat brifinqində jurnalistlərin Yaxın Şərqdəki hadisələrlə bağlı suallarını cavablandırarkən məlumat verib.
Tammy Bruce Prezident Donald Trampın Yaxın Şərq üzrə xüsusi nümayəndəsi Stiv Vitkoffun İsrailin hücumlarını və blokadasını davam etdirdiyi Qəzzaya “dəhliz”in açılması üzərində işləmək üçün Yaxın Şərqdə olacağını bildirib.
"Biz Prezident (Tramp), Dövlət Katibi (Marko Rubio) və Nümayəndə (Witkoff) hamımızın yeni atəşkəsə və Qəzzaya yardım üçün humanitar dəhlizin açılmasına doğru irəliləyəcəyimizə böyük ümid bəsləyirik" - deyə o qeyd edib.
Bruce hər iki tərəfin (İsrail və HƏMAS) bunu qəbul etdiyini və bu razılaşma və atəşkəs üçün çərçivənin yaradılmasını "səbirsizliklə gözlədiklərini" bildirib.
Bruce eyni zaman da Qəzzada fələstinlilərin ərzaq yardımı almağa çalışarkən həlak olan 30 nəfər üçün "dərin kədər" ifadə etib.
Qeyd edək ki, Təl-Əviv hökumətinin HƏMAS-ın Qəzzada atəşkəs və əsir mübadiləsi təklifinə 24 saat ərzində cavab verməsi gözlənilir.