BAKI, AzerVoice
Türkiyə Prezidenti Rəcəb Tayyib Ərdoğan, NATO Baş katibi Mark Rutte ilə Prezident Sarayında (Külliyə) görüş keçirib.
AzerVoice xəbər verir ki, görüş, 14–15 may tarixlərində Antalyada keçiriləcək NATO Xarici İşlər Nazirlərinin Qeyri-rəsmi Toplantısı öncəsi baş tutub.
Diplomatik mənbələrə görə, görüşdə regional təhlükəsizlik məsələləri və NATO çərçivəsində əməkdaşlıq başlıca müzakirə mövzuları olub.
Ən diqqətçəkən gündəm isə Rusiya və Ukrayna arasında davam edən münaqişənin sülh yolu ilə həlli və bu prosesdə Türkiyənin vasitəçilik səyləri olub.
Xatırladaq ki, Rusiya Prezidenti Vladimir Putin 2022-ci ildə dayandırılan birbaşa sülh danışıqlarının yenidən bərpası üçün İstanbulun ev sahibi ola biləcəyini gündəmə gətirib. Bu baxımdan Ərdoğan–Rutte görüşü zamanlama baxımından olduqca strateji əhəmiyyət daşıyır.