Bakı, AzerVoice
Türkiyənin Qərbi Qara Dəniz hissəsində yerləşən Bolu şəhərində meşə yanğınları başlayıb
AzerVoice xəbər verir ki, Türkiyə vaxtı ilə bugün saat 13:00 radələrində Mudurnu ilə Göynük arasındakı meşədə başlayan yanğın küləyin təsiri ilə ətrafa yayılıb.
Bölgəyə Bolu, Mudurnu və Göynükdən yanğınsöndürənlər, Bolu Meşə Regional Müdirliyinin yanğınsöndürən maşınları və xilasetmə qüvvəsi göndərilib.
Hazırda hadisə yerində olan qruplar yanğını nəzarət altına almaq üçün işlərini davam etdirir.
Qeyd edək ki, Türkiyədə ötən illə müqayisədə yanğınların sayı beş dəfə artıb. Meşə Təsərrüfatı Baş İdarəsinin rəqəmlərinə görə, 2023-cü ilin 1-21 iyun tarixləri arasında 84 meşə yanğını, 2024-cü ilin eyni dövründə isə 399 meşə yanğını baş verib.
