Bakı. AzerVoice:
Netanyahu işğalçılıq siyasətini genişləndirdi.
AzerVoice xəbər verir ki, bu barədə Türkiyə prezidenti Rəcəb Tayyib Ərdoğan deyib.
“Həmas atəşkəsi qəbul etdi, Netanyahu isə işğal siyasətini genişləndirdi. Həmas və Fələstin xalqı təkcə öz torpaqlarını deyil, Anadolunu da müdafiə edir. Qəzzaya göndərdiyimiz yardımlar fasiləsiz davam edir.” – deyə Ərdoğan qeyd edib.
O bildirib ki, müstəqil Fələstin dövlətinin tanınması səylərini qətiyyətlə dəstəkləyir.
“Fələstini tanıyan dövlətlərin sayı 147-yə yüksəlib. Bu rəqəmin artırılması İsrailin işğalçılıq siyasətlərinə veriləcək ən mənalı cavab olacaq. Qəzzada və Fələstində bəşəriyyətin bütün dəyərləri sınaqdan keçirilir. Biz İsrailə iqtisadi təzyiqi artırmaq üçün çalışırıq və müstəqil Fələstin Dövlətinin tanınmasını dəstəkləyirik.” – deyə Ərdoğan qeyd edib.
Hafiz Rufizoğlu