Bakı, AzerVoice
İran Beyrut və Tehran arasında uçuşların bərpası məqsədilə Livanla konstruktiv danışıqlar aparmağa hazırdır.
AzerVoice xəbər verir ki, bu haqda İran Xarici İşlər Nazirliyi bəyanat yayıb.
İranın xarici işlər naziri və onun livanlı həmkarı telefon danışığı zamanı iki ölkə arasında mülki hava uçuşları məsələsinin həlli yollarını müzakirə ediblər və yaxşı niyyətlə konstruktiv danışıqlar aparmağa hazır olduqlarını bildiriblər.
Bu bəyanat, iki İran təyyarəsinin enişinə qoyulan qadağanın Hizbullah tərəfdarlarının narazılığına səbəb olmasından sonra gəlib.
Qeyd edək ki, Hizbullah tərəfdarlarından ibarət böyük bir kütlə və xalq nümayəndələri hava limanı yolundakı etiraz aksiyasına qatılıblar. Hizbullah Beyrut hava limanı yolunda təşkil etdiyi etiraz aksiyasının başa çatdığını elan edib. Onlar bu aksiyanı İsrailin müdaxiləsinə, şərt qoymasına və suverenliyin pozulmasına etiraz məqsədilə keçirdiklərini bildiriblər.