Bakı,AzerVoice
İraqın baş naziri Məhəmməd Şia Əl-Sudani Türkiyənin nəqliyyat və tikinti layihələrində ixtisaslaşmış Limak şirkətinin nümayəndə heyətini qəbul edib. AzerVoice xəbər verir ki, Əl-Sudani Limakın sahibi Nihat Özdemir ilə şirkətin İraqda, xüsusilə də infrastruktur və nəqliyyat layihələri sahələrində töhfə verə biləcəyi investisiya və inkişaf imkanlarını müzakirə edib.
Tərəflər həmçinin İraqda həyata keçirilən İnkişaf Yolu və Əl-Fav Böyük Limanı kimi inkişaf layihələrini, eləcə də müxtəlif əyalətlərdə yol, körpü və sənaye şəhəri layihələrini nəzərdən keçiriblər.
Məlumat üçün bildirək ki, İnkişaf yolu layihəsi, Türkiyəni 1 200 kilometrlik dəmir yolu və avtomobil yolu ilə Fars körfəzindəki Əl-Fav limanına birləşdirəcək. Yeni İpək Yolu olaraq təyin olunan layihə, Avropadan Körfəz ölkələrinə qədər geniş bir bölgəyə təsir göstərərək ortaq faydalar verəcək.
