BAKI,VOA,Yusif Şərifzadə
İranın Ekspertlər Məclisinin Rəhbərlik Şurasının üzvü Ayətullah Möhsün Araki ABŞ ilə danışıqlar aparan rəsmi şəxslərə çağırış edərək, prosesin ali dini rəhbərin göstərişləri və “qırmızı xətləri” çərçivəsində aparılmasının vacibliyini bildirib.
VOA xəbər verir ki, Araki İranın yarı-rəsmi “Təsnim” xəbər agentliyinə açıqlamasında qeyd edib ki, danışıqlar zamanı ölkənin gücünün nümayiş etdirilməsi vacibdir, əks halda qarşı tərəfin şərtləri qəbul etməyəcəyi düşünülür.
O əlavə edib ki, danışıqlar yalnız ali dini rəhbər tərəfindən müəyyən edilən çərçivə daxilində aparıldığı halda nəticə əldə edilə bilər və prosesin uğuru bu prinsiplərə əməl olunmasından asılıdır.
Digər tərəfdən, Pakistanın baş naziri Şahbaz Şərif tərəflər arasında anlaşma memorandumunun yaxın 24 saat ərzində yekunlaşa biləcəyini açıqlayıb. Regionda diplomatik proseslərin intensivləşdiyi bildirilir.