BAKI,VOA, Fərid Mikayılov
İran parlamentinin sədri və ölkənin aparıcı danışıqçılarından biri olan Məhəmməd Baqir Qalibaf 12 günlük müharibənin ildönümü münasibətilə bəyanat yayıb.
VOA xəbər verir ki, Qalibaf bəyanatında ABŞ və İsraili mülki şəxsləri hədəf almaqda ittiham edib.
Onun sözlərinə görə, qarşı tərəf münaqişə zamanı günahsız uşaqların ölümünə səbəb olub və müxtəlif cinayətlər törədib.
"Onlar günahsız uşaqları öldürdülər və heç bir qəddarlıqdan çəkinmədilər", - deyə Qalibaf bildirib.
İran rəsmisi əlavə edib ki, ölkəsi müharibə zamanı həlak olan şəxslərin xatirəsindən ilham alaraq mübarizəsini davam etdirəcək.