BAKI,VOA, Fərid Mikayılov
İranın Xarici İşlər Nazirliyinin sözcüsü İsmayil Bəqai ABŞ-ı İran mülki vətəndaşlarına qarşı yeni silah sisteminin sınağını keçirməkdə ittiham edib.
VOA xəbər verir ki, Bəqai ABŞ-ın İrandakı idman zalına fevralın 28-də – ABŞ-İsrail müharibəsinin ilk günündə – zərbə endirdiyini açıqlayıb.
Həmin hücum nəticəsində 24 nəfərin, o cümlədən 2 yaşlı bir qızın həyatını itirdiyi bildirilib.
Bəqai X platformasında paylaşımında bildirib ki, hücumda hava partlayışı ilə çalışan yeni silah sistemi istifadə olunub. Sistem “hər istiqamətə dağılan yüksək sürətli volfram mərmiləri ilə ərazidə dağıdıcı təsir göstərib”.
O, bu hərəkətin “səhv edilməmiş, mülki vətəndaşlar üzərində yeni silah sisteminin dağıdıcı gücünü sınamaq məqsədli hesablanmış addım” olduğunu vurğulayıb və bunu “açıq və dəhşətli müharibə cinayəti” adlandırıb.