BAKI,VOA Yusif Şərifzadə
İran və Pakistan rəsmiləri regional proseslər və ikitərəfli münasibətlərlə bağlı danışıqlar aparıblar.
VOA xəbər verir ki, Pakistanın daxili işlər naziri Möhsin Nəqvi iki günlük səfər çərçivəsində Tehrana gəlib və onu iranlı həmkarı Əskəndər Momeni qarşılayıb.
Məlumata görə, tərəflər görüş zamanı regional sabitlik, təhlükəsizlik məsələləri və ikitərəfli əməkdaşlıq istiqamətlərini müzakirə ediblər.
İranın WANA xəbər agentliyinin yaydığı məlumata əsasən, nazirlər ortaq regional çağırışların həlli istiqamətində qarşılıqlı əməkdaşlığın dərinləşdirilməsi ilə bağlı öhdəliklərini bir daha təsdiqləyiblər.
Eyni zamanda bildirilir ki, Pakistan bölgədə artan gərginliyin azaldılması, münaqişələrin diplomatik yollarla həlli və vasitəçilik təşəbbüsləri istiqamətində fəaliyyət göstərir.