BAKI,VOA Yusif Şərifzadə
İran və ABŞ arasında sülh sazişinin formalaşdırılmasına yönəlmiş yeni təkliflər ətrafında yaranmış nikbinlik bu həftə sürətlə zəifləyib. Belə görünür ki, tərəflər yaxınlaşmaq əvəzinə daha da uzaqlaşırlar.
VOA xəbər verir ki, Prezident Donald Tramp bildirib ki, aprelin 8-dən qüvvədə olan İranla atəşkəs hazırda “yaşam dəstəyi” vəziyyətindədir. Onun administrasiyasının üzvləri isə ABŞ-ın döyüş əməliyyatlarını yenidən başlada biləcəyinə dair siqnalları daha açıq şəkildə verməyə başlayıblar.
Lakin analitiklərin fikrincə, Trampın sərt ritorikasına baxmayaraq, o, hazırda eskalasiya ilə güzəşt arasında sıxışıb qalıb və Yaxın Şərq bölgəsi nə tam sülh, nə də açıq müharibə vəziyyəti olmayan “boz zona”da qalmaqda davam edir.
ABŞ Dövlət Departamenti və Milli Təhlükəsizlik Şurasının keçmiş rəsmisi Allison Minor bu vəziyyəti "Ağ Ev bir sıra uğursuz seçimlərlə qarşı-qarşıya qalıb" sözləri ilə şərh edib.